olof

Hahahahahahaha

2008-06-25T16:28:00.000-07:00

Hörður Sindri var rétt í þessu að hlaupa niður í þvílíku paniki og ég hljóp til og tékkaði á honum. Hann var eitthvað aðeins ruglaður og greinilega steinsofandi þannig að ég kom að honum þar sem hann var búin að opna vaskaskápinn og var að pissa ofan í ruslafötuna hahahahahahahahahaha. Ekkert útfyrir eða neitt ég tók bara pokann og fór með hann útí rusl, góður!

Óþekk

2008-06-24T07:21:00.000-07:00

Ég var eitthvað aðeins að skamma strákana og sendi þá niðrí herbergi að leika sér. Valur fór grátandi niður og síðan þegar hann var búin að jafna sig þá kallaði hann upp: "mamma, ekki vera svona óþekk við okkur".

Snilldar pistill

2008-05-20T02:41:00.000-07:00

Hér

Gummi dekurrófa

2008-05-15T03:33:00.000-07:00

Við vorum á Hellu um helgina og okkur vantaði gistingu. Við ákváðum að tékka hvort það væri laust í litlu svefnkofunum niðri við ánna. Gummi fer inn og ég bíð útí bíl með strákunum. Síðan segi ég að hann hlyti að hafa fengið kofa því hann sé búin að vera svo lengi. Þá segir Hörður Sindri "já hann hefur örrugglega fengið af því hann er svo mikil dekurrófa eins og ég, hann bara spyr og spyr þangað til hann fær hlutina".

Ég verð að viðurkenna að ég vissi ekki hversu meðvitað plott þetta væri hjá stráknum hihi.

Skemmtilegt í ljósi hreinsunarátaks borgarinnar

2008-05-14T05:08:00.000-07:00

Ég hringdi í borgina í gær til að kvarta undan sandhrúgu sem liggur á miðri gangstétt beint fyrir utan húsið hjá mér. Þannig er mál með vexti að nágrannar mínir lenntu í þeim leiðindum að heimæðin hjá þeim sprakk í vetur og það þurfti að rífa upp gangstéttina og gera við þetta. Síðan líður og bíður og enginn kemur til að ganga frá gangstéttinni. Það endar með að ég hringi og spyr hvort þeir geti ekki komið og gert við þetta. Nei það er ekki hægt nema þau við hliðiná fari niðreftir og skrifi undir verkbeiðni. Ég sagði við hann að það væri nokkuð ljóst að það væri ekki að fara að gerast þar sem þetta væri búið að vera svona síðan í vetur og hvort það væri ekki í þeirra verkahring að gera við gangstéttir, jújú en þau verða að skrifa undir verkbeiðni. Þá tók ég týpuna að þetta væri nú svoldið skrítið þar sem það væri hreinsunarátak í miðbænum og þetta væri nú ekkert sérstaklega hreinlegt, sandur útum allt og óþolandi. Jájá við lögum þetta um leið og þau koma og skrifa undir verkbeiðni, á þessum tímapunkti samtalsins var ég komin með óstjórnlega löngun til að krækja höndum mínum utanum háls mannsins og kreista eins fast og ég gæti. Þannig að ég segi að það eigi sem sagt ekkert eftir að gerast í þessu þó að ég sé búin að láta þá vita og það sé hreinsunarátak í gangi og ég sé að biðja um að þetta verði lagfært og hvað skildi hann hafa sagt jú ef þau koma og skrifa undir verkbeiðni. Góð hreinsunarstefna hjá borginni. Ég er ótrúlega stolt af því að búa í borg sem er stjórnuð af mestu skrípalingum sem fyrirfinnast norðan alpafjalla.

Hörður Sindri úti með Kátu

2008-05-10T03:02:00.000-07:00

Ég frétti af samtali Harðar Sindra og nágrannakonu minnar. Það var þannig að hann var úti með hundinn og mætti konunni með annann hund. Þau fara að spjalla eitthvað um hundana og síðan fer samtalið útí þetta.

HS: Við verðum að passa rosalega vel hundana núna
Hún : Nú afhverju?
HS: Sko hún er stelpa og hann er strákur, fattarðu þetta?

Okei eruð þið að ná þessu?

2008-05-10T03:00:00.000-07:00

Ég, laugardags morgun kl 8 að hlaupa með hundinn niðri við sjóinn, jeminneini!

Ef maður vill fá hreinskilið svar

2008-05-10T02:52:00.000-07:00

þá spyr maður barnið sitt. Hs hefur nokkrum sinnum spurt mig hvort ég sé með barn í maganum en það er svoldið langt síðan hann spurði mig síðast. Svo sagði hann við mig um daginn að vinur hans hefði spurt hann hvort ég væri með barn í maganum. Ég var nú ekkert alltof ánægð með það. Síðan er ég búin að vera frekar dugleg í magaæfingunum. Um daginn þegar mér fannst ég vera með nokkuð sléttan maga ákvað ég að spyrja hann hvort það væri nokkuð eins og ég væri með barn í maganum núna og hann svarar " nei en þú þarft að taka svona eitt kíló af maganum þá spyr enginn hvort þú sért með barn í maganum" Whatup???

Hjólahjól

2008-04-28T03:36:00.000-07:00

Ég fór og keypti hjól handa drengjunum mínum um helgina. Valur var búin að vera veikur en fékk að fara með. Hjólinu hans Harðar Sindra var nefnilega stolið um daginn svo planið var að kaupa handa honum nýtt. Það var hins vegar ekkert á planinu að kaupa handa Val en þegar ég kem með þá inn í búðin þá fer hann beint uppá hjól sem passaði fyrir hann og byrjar að reyna að hjóla. Það gekk alveg ágætlega hjá honum, ég sem hélt að hann væri ennþá á þríhjólastiginu:) En síðan byrjar barnið að segja mér hvað hann elski mig mikið, hvað ég sé góð mamma að leyfa sér að koma með í búðina og knúsar mig í bak og fyrir og dííí hvað ég gat ekki annað en keypt handa honum líka hihi. Hann var nefnilega bara svona þakklátur fyrir að fá að koma með að kaupa hjól handa bróður sínum.

Italia Italia!!

2008-04-03T03:30:00.000-07:00

Gleymdi að ég fjárfesti í flugmiða fyrir fjóra í gær. Við erum sem sagt á leiðinni til Ítalíu í júlí, ég sem ætlaði ekki að hreyfa mig úr landi í sumar og var með yfirlýsingar um að maður ætti nú bara frekar að ferðast á veturna hehem. En pabbi og mamma eru að fara í einhverja svaka veislu til Toscana í júlí og ég ákvað í gríni að gá hvað við fengjum miðana á og viti menn ég borgaði alveg heilar 60 þúsund fyrir okkur öll, sem sagt 15 þúsund á mann. Þannig að þetta var ákveðið á korteri. Ég er búin að sjá það að ég geri ekki neitt undirbúið. En sem sagt við gátum ekki sleppt þessu, okkur Gumma hefur alltaf langað að fara saman til Ítalíu. Verst er að Sigurrós og Sverrir verða farin, fara ákkúrat í byrjun júlí:( En þau fá þá kannski bara húsið okkar og bílinn í staðinn, ef þau vilja. Og aldrei að vita nema lítill hundur fylgi með hehe.

Ég er annars komin með nýtt eldhús. Tonkan ákvað að við myndum mála innréttinguna um helgina og það var meiriháttar hugmynd hjá henni. Ég var komin með svo mikið ógeð að ég gat ekki hugsað mér að fara útí þetta. Nú eigum við hina glæsilegustu eldhúsinnréttingu, mjallahvít og svartbæsuð borðplata. Verð að setja inn fyrir og eftir myndir þegar ég er búin að ganga almennilega frá. Þá eru geymslurnar og baðið eftir og úps erum líka með 2 fulningahurðir í ganginum hjá okkur sem fylla eiginlega ganginn og ætlum að reyna að koma þeim fyrir uppi og síðan rífa skúrinn og mála húsið að utan í sumar hehe og gleymdi líka garðinum, verðum að gera hann fínann. Úff Gummi ætti kannski bara að hætta í vinnunni. Það er gjörsamlega allt undirlagt heima hjá okkur núna.

Fæturnir hans Vals

2008-04-03T03:27:00.000-07:00

Val langaði út að hlaupa með mér í gær og ég var að reyna að segja honum að hann gæti það ekki, þá kom hann með þetta: "En mamma ég get það alveg ég er nefnilega með hrattarafætur". Svo sýndi hann mér hvað hann gæti hlaupið rosalega hratt.

svo sammála

2008-03-07T05:43:00.000-08:00

Hér

Ein sæt af knúsiboltanum mínum, langar að éta hann!

2008-02-19T01:57:00.000-08:00

kannski ekki allt gleymt

2008-02-14T01:35:00.000-08:00

Ég var að lesa bók um ljón fyrir Val. Bókin er á dönsku og allt í einu byrjaði Hörður Sindri að spyrja hvaða orð þýddi hvað. Þegar hann var komin með grunnatriðin á hreint eins og løve og angreb og svoleiðis, byrjaði hann að þýða það sem ég las. Ég var ótrúlega hissa, honum tókst þetta alveg. Mig grunar að dönskukunnátta hans liggi þarna bakvið einhvers staðar í dvala. Ég var allavega svakalega ánægð með guttann minn. Annars er hann byrjaður á skáknámskeiði, það eina sem hann fékkst til að fara í, ekki að ræða það að hann fari í fótbolta eða eitthvað þessháttar. Eftir að hann byrjaði þá sleppir hann ekki skáktölvunni sem við gáfum honum í fyrra. Ég get ekki kvartað yfir þessu hehe. En þið ættuð að sjá hann núna, búin að missa allar framtennurnar og var á tímabili að setja tannálfinn á hausinn því tannálfurinn átti bara 1000kr þegar fyrsta tönnin fór og eftir það var auðvitað ekki hægt að lækka upphæðina. Nýju tennurnar eru hlunkatennur og tannálfurinn kvíðir mikið fyrir tannréttingarútgjöldum:) Ég sé ekki hvernig þetta á allt saman eftir að komast fyrir í þessum gómi.

Bolludagur

2008-02-04T01:42:00.000-08:00

Ég var vakin upp við 12 vandarhögg á rassinn í nótt kl.4.00 síðan var ég vakin upp kl. 5.00 við samskonar hamagang. Hörður Sindri tekur öllu svona mjööööööög alvarlega.

skil ekki afhverju ég er að lesa svona drasl.

2008-02-01T02:15:00.000-08:00

Ég kíkti á eitthvað blogg sem poppaði upp á mbl og varð svo reið af því að lesa þetta. En svo mundi ég eftir jógaönduninni og að flestir á moggablogginu eru helberir hálvitar. So ná æm kúl!

En tékkiði á karlrembuhálvitunum, ekki skrítið að konur eru ekki í stjórnum þegar þjóðfélagið er fullt af svona skítfíflum.

Það væri vonandi hahahaha!!

2008-01-31T01:47:00.001-08:00

hér

Góð grein

2008-01-30T07:26:00.000-08:00

hér

Úff það kraumar í mér!

2008-01-24T05:25:00.001-08:00

Nú er ég orðin reið, fyrst brá mér en nú er ég reið. Að hlusta á Ólaf F. Magnússon tala um að hann voni að lýðræðið fáið að ráða á borgarstjórnarfundinum. Lýðræði mæ as!! Flott að sjá Íslendinga loksins mótmæla almennilega. Nú er lögreglan að henda öllum út af pöllunum í ráðhúsinu, vegna velferðar og öryggis hahaha. Síðan segir Ólafur að þetta sé einungis einn hópur með skipulagðar aðgerðir og gerir þar með ótrúlega lítið úr reiði stórs hluta Reykvíkinga. Ég fór niður í ráðhús til að mótmæla og ég tilheyri ekki neinni ungliðahreyfingu (enda ekki mikill ungliði lengur), tilheyri reyndar engum flokki.

Hernaður í Írak

2008-01-24T01:44:00.000-08:00

hér

Úff hvað það er mikill mánudagur

2008-01-21T07:26:00.001-08:00

Mér líður ömurlega í dag og ekki útaf neinu. Ég var að heyra í útvarpinu að þetta væri ömurlegasti dagur ársins þannig að sjúkket, ég er ekki ein. Það er sem sagt búið að reikna út að þriðji mánudagur í janúar er morknasti dagur ársins. Sem betur fer var jóga í dag, ég er allt önnur. Annað gott í dag sem gerir það að verkum að ég má ekki vera leið er að Gummi talaði við rafvirkjann og hann gaf okkur mjög góðan afslátt og að auki hljómaði reikningurinn uppá helmingi minna en ég hafði haldið. Farið að birta ansi mikið yfir ömurlegasta degi ársins:)

Hvað er í gangi?

2008-01-09T07:41:00.000-08:00

Við erum búin að vera með volvoinn á sölu (á netinu) í um það bil 1 ár núna og ekkert verið spurt um hann. Á föstudaginn losnuðum við við hann með því að láta bifvélavirkja fá hann og við fáum 20.000 kr inneign á móti fyrir viðgerðir á landrovernum, jejjjj:( Ekkert svo góður díll en losnuðum við tryggingarnar á honum). Í dag hringdi síðan maður í Gumma og vildi endilega kaupa bílinn, hann vildi hann það mikið að hann ætlaði að hafa samband við bifvélavirkjann og fá hann til að selja sér hann. Nokkrir auðveldir hundraðþúsundkallar fyrir bifvélavirkjann.

Þessu ætlar aldrei að linna.

2008-01-09T01:43:00.000-08:00

Við seldum íbúðina fyrir jól, það var búið að vera heilmikið stapp og mánaðarprósess að fá það í gegn. Við höfum ekki enn fengið borgað því það er eitthvað vesen hjá okkur að flytja lánið yfir á Framnesveginn. Þetta er búið að vera endalaust fram og til baka og nú þurfum við að fara í greiðslumat sem tekur 2 vikur arrggghhhh og ekki nóg með það heldur þurfum við að greiða niður eitthvað svaka gott gamalt lán í staðin fyrir að greiða niður yfirdrátt, skemmtilegt. Þegar ég opnaði síðan póstinn minn í morgun var einstaklega skemmtilegt bréf komið frá nýju eigendunum. Það hefur verið leki hjá þeim og þær segja að parketið inní svefnherbergi sé ónýtt og glugginn inní stofu sé líka ónýtur. Þessu þurfi að skipta út og það kostar svo og svo mikið. Ég er án gríns að fara inná klósett núna og gubba. Ég get ekki meir af þessu helvítis kjaftæði.

Jólagjafakaup

2007-12-17T12:56:00.000-08:00

Ég ætla aldrei aftur að stressa mig yfir jólagjafakaupum. Ég er búin að vera með í maganum því ég var ekki byrjuð og bjóst við að vera í brjáluðu stressi eftir vinnu það sem eftir er vikunnar. En svo kíkti ég aðeins á netið áðan og rambaði inná nokkrar búðir og púfffs viti menn ég er búin að kaupa allar jólagjafirnar haha, þarf ekki einu sinni að fara útúr húsi, þetta verður bara keyrt beint heim til mín að sjálfsögðu. Ég skildi reyndar 2 -3 eftir, þessar stærstu sem maður kaupir kannski ekki á netinu. En mikið rosalega er ég fegin:)

Þetta er svoldið gott, þarf að þýða þetta við tækifæri en þangað til takið upp sænsku orðabókina eða bara sleppið því að lesa.

2007-12-16T17:09:00.000-08:00

Till alla barn som överlevde 60, 70 & 80 talet.

Först så överlevde vi att födas av mammor som rökte och drack under graviditeten.

De tog magnecyl och alla möjliga läkemedel, åt blue cheese-dressing samt åt tonfisk direkt ur burken, men blev aldrig testade för diabetes.

Efter detta trauma blev vi lagd på mage för att sova i en spjälsäng målad i en
rosa eller babyblå färg med hög blyhalt.

Vi hade ingen barn- säkerhet på medicinburkar, dörrar eller fönster och när vi cyklade hade vi ingen hjälm! För att inte tala om vilken risk vi tog när vi liftade.

Som spädbarn och barn åkte man bil utan barnstol, bilkudde, säkerhetsbälte eller airbag.

Vi drack vatten direkt ur trädgårdsslangen och inte ur glas eller flaska.

Vi delade läsk med flera kompisar och drack direkt ur flaskan och ingen dog av detta.

Vi åt muffins, mammas bullar, vitt bröd, riktigt smör och för mycket socker på cornflakes och i långfilen, inte blev vi överviktiga för det!

För att vi var alltid ute och lekte.

Vi kunde gå hemifrån på morgonen leka hela dagen och kom hem när gatlyktorna var tända.

Ingen kunde nå oss på hela dagen och vi var okej! I timmar kunde vi bygga lådbilar av skräp för att sedan åka ned för någon backe och då upptäcka att vi glömt bromsarna.

Efter att vi åkt in i träd och buskar ett par gånger lärde vi oss att lösa problemet.

Vi hade inga Playstation, Nindendo, X-box, ingen video eller dvd, inga 150 kanaler på tv:n inget surroundljud, cd-spelare inga mobiltelefoner, datorer, inget internet eller msn. Vi hade vänner och dem fann vi utomhus!

Vi föll från träd och tak, skar oss, bröt armar och ben, slog ut tänder!

Och inte blev någon stämd eller anmäld för det.

Vi åt maskar och kakor gjorda av sand eller jord Och inte fortsatte maskarna att leva i magen!

Vi fick luftgevär vid 10 års ålder, vi hittade på spel och lekar med hjälp av en pinne och en tennisboll, och fast man sa att det kunde hända, så var det inte så många som fick sina ögon utpetade av pinnar.

Vi cyklade eller gick till kompisar, ringde eller knackade på och ibland steg vi bara in och pratade med dem.

Fotbollslaget hade uttagningar och alla blev inte uttagna, de som inte blev det fick lära sig att handskas med besvikelsen.Otroligt, eller hur?

Tanken på att våra föräldrar skulle stå på vår sida om vi bröt mot lagen fanns inte. De var faktiskt lagens högra arm!

Denna generation har faktisk fostrat dom största risktagarna, problemlösarna och investerarna någonsin. De senaste 50 åren har varit en explosion av uppfinningar och nya idéer.

Vi hade frihet, misslyckanden, framgång och ansvar och vi lärde oss att ta allt detta!
Om du är en av dem så; Grattis!
Du kanske vill dela med dig av detta till andra som har haft turen att få växa upp som barn den tiden innan advokater och myndigheter reglerade ditt liv för ”ditt eget bästa”?

Jafnheila

2007-12-11T03:33:00.000-08:00

Ég tók einu sinni netpróf þar sem koma átti í ljós hvort heilahvelið maður notar meira, sumir nota vinstra og aðrir hægra. Út úr þessu prófi kom að ég nota bæði jafn mikið og er í raun stöðugur bardagi inní höfðinu á mér milli heilahvela haha. En hér er munurinn:

LEFT BRAIN FUNCTIONS
uses logic
detail oriented
facts rule
words and language
present and past
math and science
can comprehend
knowing
acknowledges
order/pattern perception
knows object name
reality based
forms strategies
practical
safe

RIGHT BRAIN FUNCTIONS
uses feeling
"big picture" oriented
imagination rules
symbols and images
present and future
philosophy & religion
can "get it" (i.e. meaning)
believes
appreciates
spatial perception
knows object function
fantasy based
presents possibilities
impetuous
risk taking

Það er kannski þess vegna sem mér finnst ekkert athugunarvert að kíkja áhugasöm á þessar tvær síður reglulega:

Hér og hér

Hér er heilaprófið

afmælisstrákarnir mínir!

2007-12-06T15:02:00.000-08:00

Valur er alveg svakalega upptekin af afmælum þessa dagana og er fullviss að í desember þá hann á afmæli (getur ekki sagt þegar) þá verður hann risastór. Hann segir líka alltaf "afmæliídag" eins og það sé eitt orð, "í desember þá ég á afmælídag". Hann býður mjög spenntur eftir afmælinu sínu.
En um síðustu helgi héldum við skólaafmælið hans Harðar Sindra og Valur er alltaf að tala um það og óskar Herði Sindra til hamingju í gríð og er sem reyndar bara pirrar Hörð. Síðan byrjaði hann aftur í dag að tala um afmælið síðustu helgi og hann á svoldið erfitt með að tala í þátíð og allt sem er liðið verður bara í gær. Þetta getur alveg farið með bróður hans sem er svoldill ákkúrat gæi og hann öskrar yfirleitt á hann " nei þetta var ekkert í gær", svakalega pirraður á bróður sínum stundum, finnst hann líka endurtaka sig og aðra fullmikið hehe. En allavega þá byrjaði hann að tala um afmælið og ætlaði sko ekki að láta nappa sig á þessu "gær" orði. Hörður var ber að ofan og Valur segir " Hörður Sindri þú áttir afmæliídag þá (sem þýðir þegar) þú varst ekki svona alsber".

Hörður Sindri

2007-12-05T01:19:00.000-08:00

Hörður getur ekki sagt europris hann segir alltaf europrison, hehe. "Getum við farið í europrison?"

Valur

2007-12-04T14:02:00.000-08:00

Þegar ég kom að sækja Val í leikskólann benti hann mér á jólasveinahúfu sem vinur hans Óliver á og sagði "þetta er jólasveinabuffið hans Ólivers".

Þorgerður var áðan að gefa Hilmi Páli brjóst og Valur var ber að ofan. Hann byrjar að skoða á sér geirvörturnar og segir svo við mig "mamma ég er ekki með svona".Ég segi þá "hvað svona brjóst?"
Valur: " já ég þarf að kaupa ný svona brjóst"

hahahahhahahahah

Furðulegt

2007-12-04T05:10:00.000-08:00

Oft þegar ég er alveg að sofna fæ ég svefnkipp sem gerir það að verkum að ég bít í tunguna á mér. Núna er ég að drepast í tungunni eftir nóttina, alveg morkið.

Valur fyndni

2007-11-15T03:42:00.000-08:00

Valur er þannig að maður getur stundum ekki haldið andliti, hann er svo fyndinn. Hér eru tvær sögur af honum.

Valur situr á klósettinu og ég sit á móti honum.

Valur: blúps
Ég: var þetta stór kúkur?
Valur: já svoldið
Valur kíkir ofan í klósettið: mamma hann er farin, hann er farinn heim til sín! (brosir) Hann kemur aftur á morgun.

Í gær var hann hjá ömmu og afa. Hann var að púsla með Heklu sinni og amma kemur til þeirra. Þá segir Valur: Ég er að púsla með Heklu, hún er stórkostlega skemmtileg stelpa!
Hann er bara að verða þriggja ára hahaha.

Hann er nú svoldið fyndinn!

2007-11-14T03:35:00.000-08:00

Varúð þetta er á dönsku, en þetta er hrikalega fyndið.

Hér

Lítill drengur

2007-11-05T03:11:00.000-08:00

Þorgerður og Arnaldur eignuðust lítinn strák í gær, 14 merkur og 50 sm. Fullkomið lítið kríli. Við náttla tróðum okkur upp á spítala í gærkvöldi og kíktum á gripinn og ohhhh. Það eru nú bara 3 ár síðan við vorum þarna enn maður gleymir ótrúlega fljótt. Ég fékk alveg í magann og fór meira að segja að hugsa mér að eiga þrjú, hehe. En neinei segjum þetta gott. Ég fæ bara litla gaur lánaðann. En þetta er náttúrulega það dásamlegasta sem til er.

Lille sös

2007-11-04T07:58:00.000-08:00

Þorgerður systir er á fæðingardeildinni og ég er algjörlega að fara yfirum af stressi. Ég hef aldrei fattað að kannski voru einhverjir í öngum sínum heima meðan að ég var að berjast við að koma þessum drengjum mínum út:) En ég er allavega með stóran hnút í maganum núna og hreyfi mig ekki frá símanum.

tíu litlir negrastrákar

2007-10-30T07:50:00.000-07:00

Þið verðið að lesa þessa bloggfærslu hérna eftir Gauta Eggertsson.

tíu litlir negrastrákar

Ég er ótrúlega sammála þessu. Það er með ólíkindum að það sé verið að gefa þessa bók út aftur. Hver hefur virkilega áhuga á að lesa þetta fyrir börnin sín. Ótrúlegt.

Mála enn eina ferðina hehe.

2007-10-25T03:50:00.000-07:00

Ég er orðin þreytt á því að allir sem skoða íbúðina okkar eru svakalega hrifnir af henni en líst ekkert á sameignina. Þannig að ég fór í gær og keypti 30 l af málningu og ég og pabbi byrjuðum á stigagangnum, jejjjjj. En það verður nú að segjast að þetta er ótrúlegur munur. Svo er bara að mála það að utan á næsta rigningarlausa degi (bjartsýn). Þannig að ég verð uppí íbúð næstu kvöld og um helgina.

Löggan hringdi í morgun og shitt hvað mér brá mikið. Ég var á kaffitár að kaupa kaffi og síminn minn hringdi.

"já er þetta Ólöf Pálsdóttir?" (allt í lagi, hélt kannski að þetta væri kúnni)
"já"
"já þetta er hérna hjá lögreglunni" (dofi allsstaðar af hræðslu, hjartsláttur á milljón og farin að skjálfa og náttla öll fjölskyldan mín dáin)
"já"
"átt þú svartan og hvítan hund?" (svoldið rólegri, samt ennþá að reyna að missa ekki kaffibollana útaf skjálfta)
"já"
"hann er nefnilega bundinn hérna við staur við bankastrætið" (smá svona "og má það ekki eða?")
"Já ég fór inná kaffitár og keypti mér kaffi og batt hana við staurinn á meðan"
"hehem já ég vildi bara athuga hvort nokkur hefði skilið hann eftir hérna?" (massa pirruð, hefur þetta lið ekkert betra við tímann sinn að gera og er eitthvað að því að skilja eftir hundinn sinn úti í 5 mínútur, þoli ekki þessa helvítis hundaparanoju. Plús að hann var búinn að gera mig ótrúlega hrædda bara með því að hringja í mig, arrrgghhhh).
"nei hann á að vera þarna"

hvað er málið?

Svo kom ég í vinnuna og fattaði að ég er brjóstahaldaralaus, ó mæ god. Finnst eins og ég sé hálf berrössuð. Óþægilegt.

Heima, fíla það, en kannski ekki svona mikið.

2007-10-23T07:36:00.000-07:00

Andleysið er alveg að fara með mig þessa dagana. Ég er með stanslausan kvíðahnút útaf einhverju sem ég veit ekki hvað er, held að ég sé orðin háð því að allt sé á fullu, kann ekki að vera róleg. Ég er líka búin að vera svoldið mikið heima með Val þar sem hann hefur verið veikur síðan á miðvikudaginn. Hann er með gin og klaufaveiki drengurinn haha. En hann er allur að braggast núna og er orðin hitalaus svo ég býst við að hann fari í leikskólann á morgun. Gummi hefur hins vegar verið duglegur að vera heima á móti mér þannig að þetta hefur ekki verið eins slæmt og vanalega þegar einhver verður veikur.

Ég ætla á vinnustofuna í kvöld og gera eitthvað skemmtilegt.

heima mmmmm

2007-10-17T11:37:00.001-07:00

Jæja nú var ég loksins í heimatölvunni og fann myndirnar af nýja heimilinu okkar og skelli þeim inn hér. Þetta er eins og við keyptum það og litadýrðin er allsráðandi:) En ég ætla ekki að setja nýjar myndir inn fyrr en við erum alveg búin hér. Eldhúsinnréttingin er t.d. ennþá svona fallega gul og fleira ljótt. NB myndirnar eru frá fyrri eigendum, þetta eru sem sagt ekki nýju húsgögnin okkar hehe.

Þetta er litla kotið okkar, manni líður ótrúlega vel að koma heim, allt eitthvað svo lítið og krúttlegt. Það er allavega eins gott að maður fari ekki að fjölga sér neitt frekar.

Stofan og úr henni er gengið upp og niður.

Eldhúsið og fallega gula innréttingin sem ég hef ekki enn lagt í að mála. Úff svoldið erfitt að hugsa sér að taka upp pensil aftur.

Baðherbergið. Ekkert annað að segja um það en ojjojojojojojojojo, hata það útaf lífinu, ógeð. Vantar bara tíma og péning til að taka það í gegn, alveg með hugmyndir í hausnum og klæjar í fingurna. Það sem pirrar mig mest er að þegar maður fer í sturtu þá fer allt gjörsamlega á flot og þegar maður sest á þessa fallegu bláu setu þá dúndrast lokið á henni í bakið á manni. Þetta er það eina sem fer í taugarnar á mér í þessu húsi og algjörlega næst á dagskrá að taka það í gegn.

Holið í kjallaranum.

Leikherbergi strákanna í kjallaranum.

Þetta er svefnherbergið okkar, ég er alin upp við það að sofa undir súð og mér finnst þetta dásamlegt. Sérstaklega þegar regnið dynur á þakinu, úff svoo kósí. En nú er ég hálfnuð með að mála þennann fallega skáp. Þetta herbergi var limegrænt en ekki lengur.

Svefnherbergi strákanna, skemmtilega röndótt og rautt, þurfti þónokkrar umferðir til að dekka þetta. En nú er allt hvítt og fínt.

Bakgarðurinn okkar góði, stefnum á að rífa þennan fallega skúr og jiii hvað ég hlakka til að fara að bardúsa í garðinum, grillið komið, vantar húsgögn og blóm og gróður:) Erum meira að segja með snúrur. Og stefni ég að því að hengja á þær þegar veðrið verður gott.

hahahahahahahahahahahahaha

2007-10-12T05:20:00.000-07:00

Ótrúlega gott viðtal við Sigur rós. Hehehe alveg þeir málglöðustu.

hér

Vill ekki einhver kaupa íbúð?

2007-10-10T02:37:00.000-07:00

Ég er farin að láta mig dreyma um allt sem ég ætla að gera þegar íbúðin okkar selst. Vantar svoldið margt þannig að það væri bara alveg ágætt að selja núna hehe. Til dæmis er kominn fíll inná baðherbergið okkar. Baðherbergið er mjög ljótt fyrir og á ég svoldið erfitt með að fara þangað inn sökum ljótleika og ekki er það skárra núna þegar þurrkarinn okkar er kominn þangað inn. Þurrkarinn er gamall amerískur dreki, þetta er stærsti þurrkari sem ég hef séð á æfinni og nú trónir hann yfir baðherberginu okkar því hann kemst ekki inn um nein önnur hurðargöt. Þannig að minni þurrkari verður keyptur um leið og íbúðin selst eða jafnvel fyrr því ég höndla ekki svona ástand.

Annars var Hörður Sindri að spyrja mig í gær afhverju mér þætti gos svona gott og fór að telja upp allar tegundirnar af gosi sem hann hefur séð mig drekka: "sódavatn, appelsín, kók...... þá stingur Valur inn í þessa runu: "og BJÓR".

hehe já ekki alveg hægt að neita því.

blaðra

2007-10-09T07:56:00.000-07:00

Ég fór í sund á sunnudaginn og steig á viktina. Mér hefur aldrei liðið svona áður, ég hoppaði hið snarasta niðraf henni aftur. Algjört sjokk. Hvernig get ég verið svona þung og samt komist í catwoman búninginn minn (viðmiðunargallinn minn). Ég er allavega ekki eins og ég á að mér að vera í kílóunum. Þannig að í gærkvöldi lá ég uppí sófa og horfði á sjónvarpið og át heilann snakkpoka og heila myntusúkkulaðiplötu og hugsaði um hvað það hefði nú verið miklu betra fyrir mig að fara út að hlaupa, hehe. Svo líður mér náttla eins og uppblásinni blöðru í dag.

Þetta lag er alveg í stíl

æ góin kreisí

2007-09-25T03:23:00.000-07:00

Ég er víst ennþá að mála íbúðina, þetta tekur aðeins lengri tíma heldur en ég bjóst við. Sigurrós og Sverrir og Arnaldur og Þorgerður komu aðeins um helgina og síðan er Sarah vinkona búin að vera massa dugleg að hjálpa mér, bæði á sunnudaginn og síðustu kvöld, ég er ótrúlega þakklát. En sökum litagleði fyrrum eiganda þarf að mála þónokkrar umferðir. En ég ætla að keyra þetta áfram í vikunni og draumurinn er að flytja svo á föstudaginn. Guðmundur er algjörlega fjarverandi í þessu öllu saman útaf skólanum, meiriháttar skettilegt. Þannig að nú er ég búin að ákveða að taka mér frí næstu daga og pakka á daginn og mála á kvöldin. Í gær var ég frá 9 um morguninn til kl 5 að pakka og þrífa baðherbergið og svo pökkuðum við Þorgerður úr hillunum hjá strákunum. Þetta er alveg hreint ótrúlegt hvað þetta tekur mikinn tíma aaarrhhhhgg. Síðan fór ég upp í íbúð og var að mála til kl 2 .00 í nótt, júhú hvað ég er fersk í dag:)

Annars var ég svoldið sein í morgun og hljóp með Hörð Sindra inní skóla og skildi eftir Val útí bíl á meðan. Þegar ég kom til baka þá situr minn í stólnum sínum og er að gæða sér á súkkulaðisheik sem að pabbi hans skildi eftir í fyrradag, mmmmmmmm, góður morgunmatur og huggulegir foreldrar.

Ein góð af Val:

Valur náði ekki á klósettið og pissaði á gólfið inná baði.

Valur: "mamma, þarf ég að fara í sturtu?"
Ég: "nei ég þvæ þér bara með þvottapoka."
Valur með þvílíkum skelfingarsvip: "mamma nei, börn meiga ekki fara í þvottavélina, bara föt meiga fara í þvottavélina."

Flott íbúð til sölu

2007-09-21T05:57:00.000-07:00

Jæja þá er íbúðin komin á netið, endilega kíkiði á myndirnar. Ef þið vitið um einhverja sem vantar fína íbúð í miðbænum þá er um að gera að benda á þessa fyrir okkur:)

myndir hér

Hætt við

2007-09-20T03:10:00.000-07:00

Ég er hætt við að mála næstu kvöld og ætla frekar að vera heima að pakka. Strákarnir eru víst komnir með algjört nóg af þessu rugli í foreldrum sínum. Þeir vilja bara fá að vera svæfðir í sínum rúmum af annað hvort mömmu sinni eða pabba sínum. Þannig að nú er búið að ákveða að það verður tekið á málningunni um helgina. Svo ef einhver hefur áhuga þá er bjór í boði líka þá hehe.

Argghhhh

2007-09-19T03:56:00.000-07:00

Ég veit ekki hvað er með mig þessa dagana. Ég er skapvond með ólíkindum og er bara hreint út sagt öskrandi reið inní mér og veit ekkert útaf hverju. Ég er líklega bara svona þreytt, en allavega þá gæti ég alveg farið í slag þessa dagana. Ég fór meira að segja grenjandi útúr byko í gær útaf lélegri þjónustu. Fyrir var líka risastór spegill upp á grettisgötu búin að detta niður, ég náði ekki verkefni inn til byggingafulltrúa sem ég átti að skila og þetta var síðan kórónað með skemmtilegri stöðumælasekt. Alveg búin að missa stjórnina á andlegu jafnvægi mínu hehe. Æji ég ætla að fara að ná tökum á sjálfri mér og hugsa jákvætt og vera ánægð og glöð. En næstu kvöld verðum við útá Framnesvegi að mála þannig að fólk er velkomið að koma og hjálpa ef það nennir(bjór í boði) eða bara kíkja á kotið. Við stefnum að því að vera búin að mála um helgina en ég veit ekki alveg þar sem mér heyrist á öllu að Gummi þurfi að lesa svoldið mikið á næstunni og það þýðir bara eitt, þetta lendir á mér einni, jejjj, get glaðst yfir því að þurfa ekki að hafa hann hangandi yfir mér;) Ég skelli kannski inn myndum á eftir þegar ég kem heim ef ég næ breiki.

Hausttónleikar ÍTR og unicef!! Um að gera að mæta:)

2007-09-18T02:17:00.001-07:00

Grettisgata 46 til sölu jejjj

2007-09-17T05:28:00.000-07:00

Við kláruðum Grettisgötuna í gærkvöldi. Ótrúlega er þetta skrítin tilfinning, við höfum verið að vinna í þessari íbúð síðan í nóvember á síðasta ári og svo bara allt í einu búin. Þetta er sem sagt búin að vera 42 vikna meðganga. En nú er ég búin að setja hana á sölu, þarf bara bíða eftir ljósmyndara og einhverju svoleiðis veseni. Ég er mjög spennt að sjá hvernig þetta á eftir að ganga. Vona bara vel allavega. En þá ætla ég að byrja að pakka í kvöld og á miðvikudaginn búumst við við að byrja að mála Framnesveginn, júhú.

Hahahaha, þessi stjörnuspá er algjör snild!

2007-09-13T03:23:00.001-07:00

Steingeit (21. desember - 20. janúar):
Þú ert stífur og vansæll vinnualki, fastur í tilgangslausum siðum og reglum, alltaf að skipta þér af öðrum og segja þeim að gera það sem þú getur ekki gert sjálfur. Þú ert snobbaður og þráir stöðutákn, enda með minnimáttarkennd sem þú heldur að hægt sé að breiða yfir með titlum og merkjavöru.

Þið getið séð ykkar hér

Húseigandi

2007-09-12T08:18:00.000-07:00

Við erum búin að skrifa undir og orðnir húseigendur. Jejjjjjjj. Hlakka mikið til að vera flutt. Hlakka ekki til að pakka, það þykir mér ekki skemmtilegt.

"Soko" alveg frábær texti "shitty day", þekki þetta ótrúlega vel, fyrir utan date pakkann.

2007-09-12T08:14:00.000-07:00

I hate myself today.
I don’t know what’s happening to me.
I hate my face today.
I think I look so shitty.

I have some sweat everywhere.
I’m not even shaved.
My hair all greasy.
I look disgusting.

My eyes are glued.
My lips are chaffed.
My legs are prickling.
And plus I’m stinky today.

How can I date someone with a face like that?
I know you’re gunna dump me again,
And I am gunna cry.

Cuz you want a perfect girl,
And I’m not what you expected.
You want a perfect girl,
And I look shitty today.

Maybe I should put some makeup,
And find some crazy outfits.
But I am very tired today
And I don’t care if I’m not pretty.

Should be like these girls,
Skinny and great all the time.
I’m still wearing my slippers
And eat all the candies at home.

I should sleep more,
And stop going out everyday.
I should focus more,
And stop complaining today.

Tell me, How can I date someone with a face like that?
I know you’re gunna dump me again,
And I am gunna cry.

Cuz you want a perfect girl,
And I’m not so perfect.
You want a perfect girl,
And I look shitty today.

Fiðrildi í maganum!

2007-09-12T02:21:00.000-07:00

Við skrifum undir Framnesveginn í dag kl 1.00 og ég verð að segja að ég er ótrúlega spennt. Við fáum afhennt í dag líka og flytjum fyrir mánaðarmót úffiúff. Smá vinna í viðbót framundan sem sagt. En við ákváðum að flytja strax því að mamma og nokkrar aðrar konur ætla að leigja kjallarann á Laufásveginum. Mamma nefnilega sagði upp hjá JPV við samrunann góða. Ekki mikil ánægja með hann. Þetta er líka betra fyrir okkur, þá drífum við flutninginn af og erum ekki að standa í honum um jólin. Verðum þá kannski frekar búin að koma okkur vel fyrir um jólin:) Annars er hin íbúðin alveg að verða tilbúin. Það er bara eitthvað smátterí eftir og vonandi náum við að setja hana á sölu í næstu viku. Jiiii þetta er allt að koma. Ég er alveg ótrúlega þakklát þeim sem hafa komið og hjálpað okkur það er búið að vera ómetanlegt. Það munar svo rosalega miklu þegar ég er ekki ein og gengur svo miklu hraðar.

En í sambandi við Framnesveginn þá er skipulagið að fara að leyfa viðbyggingu að aftan sem myndi stækka húsin um sirka 30 fm og svalir ofaná. Þetta þýðir að við gætum þess vegna verið þarna það sem eftir er ef okkur langar jejjjj ohh ég er ótrúlega ánægð með þetta. Þetta er eitthvað svo ákkúrat það sem við þurftum.

Þannig að núna er ég alveg ofboðslega ánægð og stressuð og kvíðin og þreytt. Smá furðulegt ástand.

Framnesvegur næsta stopp?

2007-08-31T03:33:00.000-07:00

Með fyrirvara um að allt gangi upp á næstu 10 dögum þá erum við að verða eigendur af þessu pínulitla og krúttlega raðhúsi, júhúhúhú. Ég og Hörður Sindri fórum að skoða það og hann kolféll alveg fyrir þessu, Gumma hefur lengi langað að búa þarna þannig að hann vildi ekki einu sinni skoða. Ég sagði við Hörð Sindra á leiðinni heim eftir að hafa skoðað húsið að ef hann langaði svona mikið að búa þarna þá yrði hann að hugsa rosalega stíft um að við fengjum það. Síðan lít ég við þar sem hann situr í aftursætinu með krefta hnefana og lokuð augun og er að óska sér, svo sætt og virðist hafa gengið hjá honum haha. Þetta er æðislegt, pínkulítið en sér inngangur, sér garður og 3 svefnherbergi, ohh ég hlakka svo til. Ég hef góða tilfinningu gagnvart þessu og við ættum að geta verið þarna í svoldinn tíma.

Ég er alveg farin að gróðursetja næsta sumar í huganum. Hlakka mikið til! Samt stressuð, samt glöð, samt stressuð, samt glöð ahhhhh veit ekki hvernig ég á að vera núna! Allt að gerast!

þessi er alveg frábær hahahahahaha!

2007-08-30T08:29:00.000-07:00

hérna

stjörnuspá og magapína

2007-08-30T02:56:00.000-07:00

Þetta er spáin mín:

Sometimes, we have to look all over the world just to find something that has been on our own doorstep all along. That doesn't make the journey futile. It may well have been an essential process, in as much as it helps us to open our eyes. Efficiency is not the object of existence. Some of the best things in the world take a ridiculously long time to make or create. The sense of satisfaction though, that accompanies a completed project makes it all worthwhile. You are about to have such an experience. Give me your date of birth and I will tell you something wonderful about your future. (ég er svoldið forvitin en tími bara ekki að borga fyrir það hehe)

Ég hef aldrei tekið mark á svona vitleysu en ég vona alveg innilega núna að þetta sé rétt. Ég er með hrikalega magapínu af kvíða og næ ekki andanum. Núna er komin mjög mikil pressa á að klára íbúðina. Ég er búin að tala við fasteignasala sem ætlar að selja hana fyrir okkur og svo er eitthvað fleira í gangi sem ég ætla ekki að skrifa um strax ef það gengur ekki upp. En allavega þá krossa ég bara fingur og reyni að hugsa jákvætt. Úffiúff.

Strákalingarnir

2007-08-28T04:06:00.000-07:00

Jæja nú vöknuðum við á skikkanlegum tíma, engin hlaup þennan morguninn. Strákarnir fengu sinn mat og ég fór með þá útúr húsi með burstað hár og tennur, jess. Hjólaði síðan með allt gengið og Káta fékk fínan hlaupatúr og liggur hérna rotuð á gólfinu hjá mér, svona á þetta að vera. Það er komin einhver meiri rútína á leikskólann hjá Vali svo hann var mjög sáttur í morgun að fara. Ekkert væl, engin frekja bara ljúfur, knúsandi og brosandi eins og hann á að sér að vera. Hörður Sindri er annars mjög sáttur við nýja skólann og mér líst líka alveg svakalega vel á. Þegar ég sótti hann í gær var hann eitthvað svo rólegur og sáttur og glaður, algjört yndi. Það eru líka allir svo vinalegir þarna. Í gær þegar ég kom að sækja þá fann ég hann ekki og það löbbuðu 2 kennarar upp að mér og sögðu mér hvar hann væri og ég hef ekki einu sinni talað við þær áður, þær bara vissu hver ég var, ljúft.

Kreisí!!!!!

2007-08-27T03:25:00.000-07:00

Bað, hvað er það?? ojojojojojojojoj, líður vel í svona huggulega klepruðu málningarfúguhári. Djókmikið að gera. Börnin farin að haga sér eins og ég veit ekki hvað af algjörri vanrækslu, þeir hafa aldrei verið svona erfiðir. En annars þá er þetta alveg dæmigert, við erum núna á hámarki álagsins og þá eru rosalegar breytingar í leikskólanum hjá Val og hann er greinilega ekki alveg að höndla þetta greyið litla. Mér líður ekki eins og ég sé með fullt fangið heldur eins og ég hafi verið með fullt fangið og nú séu bögglarnir farnir að hrynja úr fanginu á mér. Ekki alveg að höndla lífsdjögglið núna þessa dagana. Ég rétt náði að vakna kl hálfátta útaf þreytu eftir vinnu helgarinnar uppí íbúð og án gríns þá hljóp ég heima hjá mér, lá við að ég hlypi meðan ég smurði nesti. Gummi er komin á fullt í skólanum og var að lesa um helgina. Hann þarf núna helst að vinna 12 tíma á dag til að ná fullum vinnutíma sem þýðir að hann þarf að henda sér út á morgnana og ég sé um strákana. Ég náði þá náttla ekki að fara á hjólinu og viðra hundinn í leiðnni þannig að þegar ég var búin að henda strákunum á stofnanirnar varð ég að fara með hana í göngutúr niðrá Sæbraut. Það var svo sem í lagi því ég hafði örugglega bara gott af því og losna við að vera með samviskubit útaf henni. Þegar ég var niðrá Sæbraut byrjaði síminn að hringja og ég er búin að vera í símanum síðan. Megafun júhú!!!!!!!!!!!!! Hvað í ansk. er ég að gera hérna, Ísland er klikkað!

jájá ræríræ

2007-08-17T03:38:00.000-07:00

Ég er alveg með stanslausan stresshnút þessa dagana og orkan er svona um það bil búin. En þessi íbúð er held ég alveg að gera útaf við okkur og aðra í kringum okkur. Mamma var að svæfa strákana í gær og þá segir Valur með grátstafina í kverkunum og stóra skeifu: "Ég vil fara niður með Herði Sindra bróður mínum, mömmu minni, pabba mínum og hundi Kátu". Skýr skilaboð þar á ferð, úff bara ekkert samviskubit. Ég hef ekki lesið né sungið fyrir þá í marga mánuði, þetta er ekki góð tilfinning. En ég fór þó í gær og keypti nýtt hjól handa Herði, hann var mjög ánægður með það. Hann fékk nýtt hjól núna því í næstu viku er hann að byrja í nýjum skóla. Við ákváðum að færa hann yfir í Vesturbæjarskóla og hann byrjar þar á miðvikudaginn með Ævari vini sínum. Ævar flutti í þetta hverfi og þar sem okkur langar til að flytja þangað þá ákváðum við að láta þá byrja saman. Ég held að þetta hafi verið rétt ákvörðun. Þetta er einstaklingsmiðaðara nám sem ég held að hennti honum betur. Það var greinilegt í fyrra að krökkunum sem gekk vel var yfir höfuð ekki sinnt og ég er ekkert alltof sátt við það. En við sjáum til hvernig þetta fer allt saman. Aðal málið núna er að klára þessa íbúð og losna við hana svo allavega ég og strákarnir getum farið að lifa eðlilegu lífi. Gummi fær ekki að vera með í því næstu 2 árin þar sem hann er að fara í MBA nám með vinnu. Smá aukaálag en við hljótum að höndla það, ehaggi? Ég væri allavega alveg til í að fara að komast í það að sauma þessar blessuðu peysur áður en þær verða of hallærislegar til að nokkur kaupi þær og allir verða komnir í einhverja geimgalla.

Verslunarmannahelgi pelgi!

2007-08-07T04:51:00.000-07:00

Þetta var hreint út sagt æðisleg helgi, ég er í skýjunum eftir hana. Fórum upp í bústað til Valda og vorum þar í tjaldi frá föstudeginum fram á sunnudag. Þar er alltaf jafn skemmtilegt, ekki amalegt að eiga svona dásamlega skemmtilega fjölskyldu. Humarveisla á föstudeginum í tilefni þess að Hrafnhildur varð þrítug og síðan grillað læri og varðeldur með tilheyrandi gauli á laugardagskvöldið. Úff þetta er búið að vera frábært, ég fer í einhverja alsherjar slökun í svona útilegu. Allir stingir og öll óþægindi hverfa eins og dögg fyrir sólu. Síðan fórum við og tjölduðum á Leirubakka og keyrðum aðeins um þarna undir Heklu. Svo fallegt þar. Þar sátum við í kvöldsólinni og borðuðum nammi og feðgarnir léku sér í frisbí meðan ég las hundauppalandabók. Dásamlegt. Strákarnir nutu sín alveg í botn alla helgina. Síðan fórum við heim í gær og upp í íbúð að flísaleggja, smá ljúft að sjá flísar á gólfi. Þetta verður fínt einhvern tíman, vonandi bráðum, ég er alveg komin með gubbuna!

Flórída og fleira

2007-07-24T05:17:00.000-07:00

Jæja þá erum við komin úr fyrsta fríinu okkar. Þessi fjölskylda hafði mjög gott af þessu. Síðan tóku líka María og Hilmir (pabbi Arnalds) svona líka vel á móti okkur, alveg ótrúleg gestrisni þar á bæ. En þetta var sem sagt ofboðslega fín ferð fyrir okkur. Við stoppuðum í 2 nætur í New York og fórum síðan yfir til St. Augustine, sem er elsti bær Bandaríkjanna, mjög skemmtilegur bær. Þarna er ótrúlega falleg hvít strönd sem nær eins langt og augað eygir. Við náttúrulega versluðum eins og brjálæðingar og hlökkum mikið til visareikningsins, það verður eitthvað skemmtilegt. En við fötuðum strákana og okkur upp og keyptum allar jóla og afmælisgjafir þannig að desembermánuðurinn verður kannski ekki eins erfiður og vanalega. Vitleysa að hrúga börnum í jólamánuðinn hehe, það er svona þegar maður skipuleggur sig ekki. En allavega þá er mjög auðvelt að tapa sér í þessu ótrúlega ofneysluþjóðfélagi sem Ameríka er. Ég hef aldrei séð neitt þessu líkt. Strákunum fannst mjööööög gaman að fara í búðir og það hefur aldrei áður gerst. Inn á milli fórum við á ströndina eða lágum við sundlaugarbakkann og slöppuðum af. Síðan fórum við líka í Disney einn dag, það var mikil upplifun fyrir litla sem stóra. Þvílíkt flæmi, ekki möguleiki að ná einu sinni helmingnum á einum degi og síðan 2 klukkustunda biðraðir í aðal tækin. En við fórum í minni tækin sem henntuðu strákunum vel og þar voru bara hálftíma biðraðir. En þeir voru ótrúlega seigir strákar og Hörður Sindri labbaði allann daginn. Ég þurfti reyndar að gefa honum verkjalyf um kvöldið því hann fékk svo mikla þreytuverki. En annars var ótrúlegt að sjá drengina þeir voru svo glaðir og afslappaðir og runnu inn í hita og tímabreytinguna eins og ekkert væri, þeir voru hreint út sagt ótrúlegir. New York var líka alveg ofboðslega skemmtileg eða það fannst okkur Gumma allavega. Halla vinkona hafði sest niður með okkur kvöldið áður en við fórum og skrifað niður á kort þá staði sem væri skemmtilegast að fara og það gerði ferðina alveg frábæra.

Annars er Valur farin að tala svo mikið eftir þessa ferð og hann er orðin algjör brandari. Hann vandar sig svo mikið að hann talar eins og útlendingur. Hann er líka að frekjast svoldið upp. Hann setur í brýrnar og segir bróður sínum að þegja, eða réttara sagt segir hann: "þegiðu þú HörSindri". En síðan er hann líka algjör draumur og hvíslar stundum að mér á morgnana þegar hann vaknar: "mamma viltu strjúka bakið mitt". Káta heitir ekki lengur Káta heldur Hundur Káta. Ég held að við verðum að breyta þessu því valur segir aldrei Káta heldur alltaf Hundur Káta. "Ég kyssa Hundur Káta". Síðan segir hann alltaf hágrátandi þegar maður er búin að skamma hann eitthvað : "kyssa mig mamma, kyssa mig mamma, Valur er góð". Hann ruglast eitthvað aðeins þarna og alltaf þegar hann segist vera góður segir hann "ég er góð".

Set myndir inn seinna af Flórídaförinni

smá bloggleiði

2007-06-29T03:39:00.000-07:00

Er búin að vera með eitthvað bloggógeð uppá síðkastið.

En prófa núna aftur. Systa og co koma heim frá Ítalíu í dag og er þeirra beðið með mikilli eftirvæntingu. Strákarnir fengu frí í vinnunum sínum í dag og fóru í sund með afa og svo beint að sækja Heklu sína. Svo eru 2 partí í kvöld hjá þeim þannig að það er mjög mikill spenningur. Annars er tæp vika í brottför til Flórída, jejjj. Ég get hreinlega ekki beðið. Fyrstu 2 næturnar verðum við í New York og svo Flórída. Ég komst að því að Inga systir hans Gumma verður úti á sama tíma og við. Það er svo sem ekki frá sögu færandi nema hvað að Inga hefur bjargað mér með sumarkjóla hingað til hehe. Ég á bókstaflega ekki neitt, þannig að fyrsta stopp í New York er HM, þangað mæti ég í lopapeysu í 35 stiga hita.

Annars er búið að vera hundleiðinlegt hjá okkur, ég hef þurft að fresta 2 mjög skemmtilegum ferðum útaf vinnunni og íbúðinni og ég er að geðbilast á þessu. Nú er nóg komið, get þetta ekki lengur. En ég er sem sagt að reyna að klára sem mest í vinnunni svo við komumst í frí og fáum einhver laun fyrir næsta mánuð og Gummi er á fullu í íbúðinni. Eina góða við þetta er að strákarnir eru ánægðir því ég er heima, gef þeim að borða, kem þeim í háttinn. Þannig að þeir eru voða glaðir að vera aðeins með mömmu sinni. Síðan sest ég fyrir framan tölvið og sit og vinn og spenni magavöðvana eins og ég get. Verða að segja það að ég hlakka ekkert rosalega til að vera í bikiníi, þannig að ég tel mér trú að ég sé að gera rosalega góðar magaæfingar allan daginn með því að sitja fyrir framan tölvu og spenna hahahaha, er maður sækó eða hvað.

Skotárás og dauði, jahérna!

2007-05-24T08:18:00.000-07:00

Mig dreymdi furðulegan draum í nótt, einn af þessum sem maður getur ekki hætt að hugsa um. Vanalegast veit ég alveg hvað draumarnir mínir merkja , hef einhvern vegin tilfinningu fyrir því eða þeir eru svo beintengdir við það sem ég er að gera að meining þeirra verður augljós. Svo dreymir mig líka svo oft sömu draumana eða fæ sömu martraðir aftur og aftur. Hef til dæmis fengið sömu lofthræðslu ógeðsmartröðina í ábyggilega 15 ár. Ég er alltaf á einhverju hóteli sem er í háhýsi og það eru alltaf einhverjir mjög óstabílir stigar og bilaðar lyftur og þessháttar skemmtilegheit. En þessi er alveg útí bláinn og ég hef aldrei fengið svona martröð áður. Ég var einhvers staðar úti og allt í einu var byrjað að skjóta á okkur og ég reyni að hlaupa burtu en hleyp rosalega hægt þannig að þeir ná að skjóta mig niður og síðan gengur einn að mér og skítur mig örugglega 20 sinnum í bakið þar sem ég ligg í jörðinni. Síðan er þetta allt saman yfirstaðið og ég veit að ég er að deyja, ekki glæta að ég myndi lifa þetta af, þá dröslar Gummi mér inná kaffihús og setur mig niður í stól. Haha ég er alltaf að reyna að láta eins og ekkert sé, samt svona alltaf líka að reyna að segja honum að ég sé að deyja ég hafi nú verið skotin þó nokkrum sinnum í bakið og öll líffærin og allt inní mér væri ónýtt. Síðan endar með því að ég fer að hósta blóði útum allt og er að deyja, þá náttla vakna ég. Huggulegt allt saman. Mér finnst líka helvíti gott að Gummi hafi bara farið með mig á kaffihús hahaha, við erum að tala um að hann panntaði drikki og allt. Dettur einhverjum eitthvað í hug? Ég er lost. Veit að ef mann dreymir að maður sé að deyja þá þýði það yfirleitt mjög jákvæðar breytingar. Skeytingarleysi Gumma hef ég ekki hugmynd um. Fannst reyndar skrítið að ég varð ekkert fúl útí hann, varð bara rosalega hissa hahaha. Hvað þýðir þetta? Ég er kannski svoldið steikt með þetta en ég ræð alltaf draumana mína og verð svoldið pirruð þegar ég get það ekki:) Þá er ég ekki að tala um einhverja spádóma heldur bara úr hverju ég er að vinna.

Jahérna!

2007-05-21T03:00:00.000-07:00

Ég tók þá ákvörðun þegar ég flutti heim að ég myndi ekki láta veðrið hafa áhrif á mig, ég myndi ekki kvarta eða láta það fara í taugarnar á mér. Það er svo erfitt að búa hérna og leyfa því að fara í taugarnar á sér því það gæti alltaf verið betra. En nú get ég ekki orða bundist, er þetta djók? Það snjóar og snjóar, arhghhghghghghhg. Þetta á að vera bannað. Læt þetta samt ekki á mig fá:)

hjólafrík!!

2007-05-18T06:58:00.000-07:00

Eitt sem fer ótrúlega mikið í taugarnar á mér við landann og það er hvað allir eiga að vera eins hérna. Nú er ég hjólandi um göturnar með kerruna og hundinn og Hörð Sindra á sínu hjóli og fólk virkilega stoppar útá götu til að horfa. Sumir fara að hlæja. Mér fannst best þegar ég sá eina vel þétta inn í bíl að hlaða í sig einhverju rosalegu léttmeti og hlæjandi að mér. Held hún ætti frekar að fara að mínu ráði. En allavega þá er þetta svoldið þreytt, það er nú ekki það skrítnasta í heimi að sjá fólk á hjóli.

skríkisstjórn

2007-05-18T06:55:00.000-07:00

Ég er ótrúlega sátt við að ríkistjórnin hafi ákveðið að halda ekki áfram. Held að ég verði bara nokkuð sátt við samfylkinguna og sjálfstæðisflokkinn. Allavega er komin tími fyrir breytingar.

lengi lifi byltingin

2007-05-18T06:33:00.000-07:00

Mig langar að vera úti í sólinni með strákana mína. Ég á alltaf svoldið erfitt með að vinna á föstudögum, ég verð alltaf svo eirðarlaus. En ég reyni samt að hafa hugann við þetta. Annars gengur allt sinn vanagang, við alltaf uppí íbúð á kvöldin og strákarnir hjá ömmu og afa. Valur er svoldið mikið fyndinn þessa dagana. Hann öskraði í gær á eftir systur nágranna okkar "lengi lifi byltingin!" Og svo gengur hann um núna og segir "Do you like it" eins og fab 5 segja það alveg rosalega hommalega hahaha. Þetta fór eitthvað í taugarnar á ömmu hans þegar þau voru að horfa á þáttinn þannig að hún fór eitthvað að herma eftir þeim og hann greip það náttúrulega eins og skot.
Svo er hann farin að telja, hann taldi sjálfur uppá 10 í gær. Við höfum ekki haft neinn tíma til að kenna honum svona hluti. Ég verð nú að viðurkenna að samviskubitið er farið að læðast að mér enn eina ferðina. En við erum að vinna í einhverju sem er gott fyrir okkur öll í framtíðinni, verð að muna það. Gott að hann er í svona góðum leikskóla, sjúkkett. Þeir eru allavega ennþá alveg dásamlegastir og engin vandamál ennþá þrátt fyrir foreldraskort.

Hörður Sindri með skoðanir.

2007-05-15T03:46:00.000-07:00

Hörður Sindri spurði mig rétt fyrir kosningar með hverjum ég héldi. Ég svaraði honum því og þá sagði hann: "ég held með vinstri grænum"
Ég: "afhverju?"
Hann: "Afþví að þeir vilja fína og hreina náttúru, hinir vilja bara rusl."

Mér fannst þetta reyndar nokkuð góður punktur hjá honum og fór að pumpa hann hvar hann hefði heyrt þetta og hver hefði verið að tala um þetta. Ekki kom þetta frá okkur enda kusum við þá ekki. Myndum ekki láta okkur detta annað í hug en að kjósa framsókn hehe. En allavega þá hafði enginn verið að tala við hann, hann er bara búin að vera að fylgjast með. Hann heyrði þetta í fréttunum og svo sagði hann "líka auglýsingarnar þarna, þúeist veljum grænt en ekki grátt". Ánægð með hann skrákinn!

fyndið ef þetta er grín!

2007-05-15T02:25:00.000-07:00

Stundum rekst maður á hina undarlegustu bloggara. Prófiði að kíkja á þennan hér . Sérstaklega gott þetta með heimska foreldra!

Vona að þetta hafi ekki verið "vildanden"

2007-05-10T08:20:00.000-07:00

Hörður Sindri var í skógarleikskóla þar sem var keyrt með þau upp í sveit á hverjum degi. Ég fékk smá í magan við að lesa þessa frétt

vantar tíma

2007-05-08T02:20:00.000-07:00

Auglýsi hér með eftir auka 10 tímum á sólahring. Ég er ekki alveg að ná að gera það sem ég þarf að gera. Nú er ég á fullu í íbúðinni en er líka með pláss á vinnustofu þar sem á að vera að reyna að hanna og sauma einhverjar flíkur. Ég hef ekkert komist þangað og nú er komið smá deadline og ég næ örugglega ekki að sauma næstum allt sem mig langar til. Hugmyndirnar pompa upp hver af annari og ég get ekki framkvæmt þær, argggghhh. Nú er svo komið að ég er farin að sjá aðra framkvæma hugmyndirnar sem er frekar pirrandi og segir manni að maður verður að drífa sig því annars gerir bara einhver annar þetta. En íbúðina verðum við að klára því þetta hangir aðeins of mikið yfir okkur, við ætlum nefnilega í útilegur og til útlanda og svoleiðis í sumar. En ég verð líka að fara að framleiða þessi föt, íbúðin reyndar hækkar bara í verði á meðan greinilega, ótrúlegt verð í gangi núna. Hvað á ég að gera? Annað er meira fyrir mig og hitt er meira fyrir okkur öll. Ég ætti kannski bara að vaka lengur.

Átak spátak!

2007-05-04T02:25:00.000-07:00

Gummi var svo sniðugur um daginn að kaupa krakkakerru til að hengja aftan á hjól. Þetta er náttúrulega alveg brilljant. Nú hjólum við allt , Hörður Sindri hjólar sjálfur og Valur situr hæstánægður í kerrunni. Gummi hjólar með þá á morgnana og ég sæki svo seinnipartinn. En málið er nefnilega að ég slæ nokkrar flugur þarna í einu höggi. Ég náttla sæki strákana og viðra þá, viðra hundinn rosalega vel því hún hleypur alla leiðina (kúkar 2x á leiðinni) og svo fæ ég þessa fínu líkamsrækt (svona af því að maður hefur aldrei tíma til þess) því það er ekkert grín að hjóla með þessa kerru upp Þingholtin. Við hjóluðum meira að segja í afmæli inní Hafnarfjörð á sunnudaginn, það var alveg hreint meiriháttar. Það komu allir út og héldu að við værum gengin af göflunum. En málið er að allt þetta hjólastúss í Danmörku hefur bara komið mér í svo fínt hjólaform að mér fannst þetta ekkert mál. Maður hjólaði líka stundum í 5-6 tíma ef maður skrapp eitthvað útfyrir bæinn og svoleiðis. En sem sagt þá eru allir fjölskyldumeðlimir mjööööög sáttir við þessa breytingu.

Eitt sem er smá morkið það er ef Káta kúkar í brekku þá er svoldið erfitt að hafa ekki bremsu á kerrunni. Ég er ekki alveg komin uppá lagið með að setja kúk í poka og halda hjóli með kerru á um leið. Annað hvað er málið með fáar ruslafötur í borginni, ég fíla nefnilega heldur ekki að hjóla með kúk í poka.

Vá var þetta svona hrikalegt? Segir enginn orð, ekki einu sinni þú Sigurrós.

2007-04-27T02:37:00.000-07:00

Góð mamma

2007-04-24T02:20:00.000-07:00

Um daginn vaknaði ég frekar timbruð og súr. Fékk svona taugatimburmenn, ojojoj ekki gott. En var samt að reyna að harka það af mér og þessi morgun var brandari. Við byrjuðum á því að þurfa að bera kremið á Hörð og það er bara ekki sniðugt. Við vorum öll þrjú einhvern vegin hálf taugaveikluð eftir það, hann öskrandi og sparkandi og við að reyna að róa hann niður. Síðan fer Gummi upp í íbúð og ég var að fara í fermingu seinna um daginn þannig að ég ákveð að fara út að hlaupa með hundinn til að ná þessu ógeði úr mér. Hörður átti að passa bróður sinn rétt á meðan. Þegar ég kem heim þá standa 2 menn úti á götu fyrir framan húsið og sá þriðji er á leiðinni upp tröppurnar þegar hann spyr mig hvort ég búi þarna. Ég játa því og þá segir hann að það sé nefnilega lítið barn hágrátandi útí garði og sé búin að vera þar í 10 mínútur. Úfff síðan hleyp ég útí garð og þar stendur Valur á nærbuxunum í skítakulda með kex í hendinni og búin að pissa á sig:( Ég sver það þessi maður hefði alveg getað hringt á barnaverndarnefndina). Þá hafði Valur sem sagt þurft að pissa og farið útí garð að leita að mér og ekki náð að bíða og Hörður sat inn í stofu að horfa á sjónvarpið og hélt að bróðir sinn hefði farið upp til afa og ömmu. Aldrei þessu vant voru afi og amma ekki heima. Ég get nú ekki sagt að taugarnar hafi róast mikið við þennan hlaupatúr. En ég er mjög fegin að hann fór bara útí garð. Sé alveg fyrir mér fyrirsagnirnar í blöðunum ef hann hefði farið að rölta um. "Blautt og fáklætt tveggja ára gamalt barn fannst eitt á ráfi í miðbænum í morgun"

Valur og Hörður Sindri

2007-04-23T02:50:00.000-07:00

Litli gaurinn sem er ekki nema rúmlega tveggja ára er farin að rífast við mömmu sína og ég er alltaf að lenda í svona samræðum við hann þessa dagana:

Valur: "mamma, valur horfa á sjónvarpið?"
Ég: "nei valur minn ekki núna"
Valur: "jú víst mamma, plííííííííííís, mamma plííííííííííiííís"
og svo er þetta svona um það bil endalaust.

Hörður fór í smá aðgerð í síðustu viku á frekar viðkvæmum stað og við erum búin að vera í nokkuð miklu veseni útaf því. Mig grunar að aðgerðin hafi ekki heppnast því við þurfum að bera krem á svæðið og það er svo hryllilega sárt fyrir hann að hann engist og öskrar. Við eigum öll frekar erfitt með þetta. En við höfum samband við lækninn í dag og sjáum hvað hann segir. En drengurinn minn er allavega búin að vera ofboðslega duglegur.

Austurstræti

2007-04-18T10:44:00.000-07:00

Hræðilegt það sem er að gerast núna niðrí Austurstræti. Tvö af elstu húsum bæjarins nánast brunnin til grunna, allavega Austurstræti 22. Ég get ekki að því gert að finnast þetta sorglegt þar sem við vinnum töluvert mikið með verndun húsa. Síðan eiga eftir að standa þarna rústir næstu mánuði og sumarið og túristarnir að koma, ekki fallegur miðbær þetta sumarið. Tala nú ekki um menningarlegu verðmætin sem þarna hafa tapast. Allt hérna angar af reyk og við erum búin að loka öllu og setja ofnana á fullt. Æi veit ekki hvað ég á að segja maður er bara svoldið mikið svekktur. Ég vona allavega að það verði eitthvað gert að viti þarna í staðin.

gullkorn frá Herði Sindra

2007-04-11T16:16:00.000-07:00

HS: "Mamma, þegar þú deyrð, viltu þá setja síman þinn í vasann og taka hann með upp til guðs? Þá get ég talað við þig."

(ái ái já ég vildi að það væri símasamband þangað)

Árshátíðin

2007-03-30T07:12:00.000-07:00

Ég skemmti mér annars mjög vel á þessari árshátíð. Nema stundum stóð ég og hlustaði á svona samræður
"Array-CGH is a powerful tool for the detection of chromosomal aberrations. The introduction of high-density SNP genotyping technology to genomic profiling, termed SNP-CGH, represents a further advance, since simultaneous measurement of both signal intensity variations and changes in allelic composition makes it possible to detect both copy number changes and copy-neutral loss-of-heterozygosity (LOH) events. We demonstrate the utility of SNP-CGH with two Infinium whole-genome genotyping BeadChips, assaying 109,000 and 317,000 SNP loci, to detect chromosomal aberrations in samples bearing constitutional aberrations as well tumor samples at sub-100 kb effective resolution. Detected aberrations include homozygous deletions, hemizygous deletions, copy-neutral LOH, duplications, and amplifications....."

Og ég alltaf bara "vá í alvöru?" hehe. Bein í baki og pen, ekki mikið breikað þar. Þetta voru allavega alveg andstæð kvöld og hin skemmtilegasta helgi.

gleymdi

2007-03-30T06:51:00.000-07:00

Ég gleymdi sem sagt að segja frá því að ég var búin að vera að spreyja á mig brúnkuspreyi alla vikuna. Ég var sem sagt verulega brún orðin og kláraði heila brúsa fyrir þetta, mjög töff. Síðan segir Gummi mér að ég eigi að mæta á árshátíð hjá erfðagreiningu á laugardeginum (sem sagt daginn eftir partíið). Úps, ein alveg orðin svoldið brún svona miðað við mars, eða bara eiginlega miðað við allt hahahaha. En einhvern vegin tókst mér að vera ekki alveg eins og hálviti þar.

Jæja nokkrar myndir!

2007-03-30T04:45:00.000-07:00

Rosalega fín

ÚÚÚúú tékkiði á gaurnum

aRaaggghhh

Íslandsmeistarinn í breiki

Mér finnst sem sagt ekki leiðinlegt að taka orminn

ætla að vera væmin í dag!

2007-03-28T04:46:00.000-07:00

Ég fékk þennan texta sendan á meil í dag og bara varð að setja hann inn.

POWERFUL.
--------------------------------------------------------------------------------

Can you answer this riddle?

Here is a pretty neat little thing from Paul Harvey. See if you can guess the riddle at the end.

Paul Harvey Writes:

We tried so hard to make things better for our kids that we made them worse. For my grandchildren, I'd like better.
I'd really like for them to know about hand me down clothes and homemade ice cream and leftover meat loaf sandwiches. I really would.

I hope you learn humility by being humiliated, and that you learn honesty by being cheated.
I hope you learn to make your own bed and mow the lawn and wash the car.
And I really hope nobody gives you a brand new car when you are sixteen.

It will be good if at least one time you can see puppies born and your old dog put to sleep.

I hope you get a black eye fighting for something you believe in.

I hope you have to share a bedroom with your younger brother/sister. And it's all right if you have to draw a line down the middle of the room, but when he wants to crawl under the covers with you because he's scared, I hope you let him.

When you want to see a movie and your little brother/sister wants to tag along, I hope you'll let him/her.
I hope you have to walk uphill to school with your friends and that you live in a town where you can do it safely.

On rainy days when you have to catch a ride, I hope you don't ask your driver to drop you two blocks away so you won't be seen riding with someone as uncool as your Mom.

If you want a slingshot, I hope your Dad teaches you how to make one instead of buying one.
I hope you learn to dig in the dirt and read books.

When you learn to use computers, I hope you also learn to add and subtract in your head.

I hope you get teased by your friends when you have your first crush on a boy/girl, and when you talk back to your mother that you learn what ivory soap tastes like.

May you skin your knee climbing a mountain, burn your hand on a stove and stick your tongue on a frozen flagpole.

I don't care if you try a beer once, but I hope you don't like it.. And if a friend offers you dope or a joint, I hope you realize he is not your friend.

I sure hope you make time to sit on a porch with your Grandma/Grandpa and go fishing with your Uncle.

May you feel sorrow at a funeral and joy during the holidays.

I hope your mother punishes you when you throw a baseball through your neighbor's window and that she hugs you and kisses you at Hanukah/Christmas time when you give her a plaster mold of your hand.

These things I wish for you - tough times and disappointment, hard work and happiness. To me, it's the only way to appreciate life.

Written with a pen. Sealed with a kiss. I'm here for you. And if I die before you do, I'll go to heaven and wait for you.

Paul Harvey RIDDLE:

When asked this riddle, 80% of kindergarten kids got the answer, compared to 17% of Stanford University seniors.

What is greater than God, More evil than the devil, The poor have it, The rich need it, And if you eat it, you'll die?

Svo segja þeir manni að senda þetta á eins marga og maður getur og ýta á shift, ég þori ekki, þannig að endilega segið mér ef þið vitið svarið.

Sandiegogaurinn

2007-03-21T04:24:00.000-07:00

jæja nú kemur hann heim í fyrramálið. Ég verð nú að viðurkenna að það verður svoldið gott að fá hann heim. Það er líka frekar skrítið að reyna að vera í sambandi við manneskju sem er á allt allt öðru tímabelti. Það er 8 tíma munur og ég er búin að vera fá svona sms klukkan 3 -4 á nóttunni: "á ég að kaupa ipod?" eða "hvort viltu nikon d40, d50, d70 eða d80 myndavél?" eða "hvaða stærð aðf skóm nota strákarnir?"(ég náttúrulega ekki með það á hreinu og þarf að fara fram að gá)ehhh zzzzzzzzzzzzzzzz. Samt svara ég samviskusamlega, þannig að ég er búin að vera í sms sendingum um miðjar nætur, fáránlegt. Í nótt setti ég síman undir rassinn á mér af því að það heyrðist svo hátt í honum, ég hélt að það myndi kannski dempa aðeins hljóðið svona til að vekja ekki strákana, en rassinn er greinilega algjörlega hljóðeinangrandi þannig að ég vaknaði ekki einu sinni sjálf við það hahahahaha.

Gott þegar einhver segir hæ!

2007-03-21T03:32:00.000-07:00

Það er smá gott þegar einhver segir hæ, þá langar mann aðeins að skrifa haha. En ég er annars í fínum gír, smá bloggleiði í gangi, er að gera upp við mig hvort ég fíla þetta eða ekki. En ég held að ég fíli þetta og ef þetta er leiðinlegt þá bara skítt með það, því hér er komin hin ágætasta dagbók fyrir strákana mína að lesa þegar þeir verða eldri. Annars er ég að fara á föstudaginn í frábært "white trash" afmælispartí hjá Öddu útí vinnustofu hjá okkur. Undirbúningurinn er nú þegar byrjaður hjá mér, djö ætla ég að massa þetta, tek víst afleiðingunum í næstu viku en ææji þið sjáið þetta bara... set inn myndir þegar ég er tilbúin. Verð allavega ógó töff!!!

Free Trashy Myspace Graphics

Píka

2007-03-16T07:15:00.000-07:00

Það var víst píkudagur í gær og ég sagði orðið ekki einu sinni. En ég þarf reyndar ekki mikið að æfa mig í því, hef aldrei átt í erfiðleikum með að segja píka.

San diego

2007-03-11T08:05:00.000-07:00

Jæja þá er maðurinn farin til san diego. Þetta er vinnuferð og hann verður í 11 daga. Ég var mjög ánægð með að hann væri sendur í vinnuferð en langaði samt ekkert að hann færi. Finnst svoldið gott að hafa hann hjá mér, þó það sé ekki nema bara á nóttunni. Síðan er smá heilsuleysi í gangi hérna, Valur er með niðurgang og ég er búin að missa röddina útaf hálsbólgu. Auðvitað á ég að skila verkefni á miðvikudaginn og á eftir vera á haus þangað til. Myndi kannski helst vilja vera bara eitthvað að snuddast hérna með Val en við verðum bara að taka okkur saman og vera ekki veik.

Smá útskýring

2007-03-08T07:02:00.000-08:00

Ég sé að þetta þarf smá útskýringu þar sem konan hefur séð að sér og þurrkað þessa bloggfærslu sína út. Hún var sem sagt að tala um hversu klámfengin þessi mynd væri eða hvað hún væri mikil tilvísun í klám. Þar sem stúlkan væri í stellingu sem væri þekkt stelling í klámmyndum og hún væri með opin munninn eins og til að bjóða karlkynslesendum að ........... OJojojojojoj. Hún sá síðan greinilega að sér, en mér er eiginlega sama, til að skrifa svona þarftu að hugsa það fyrst. Hér er frétt um að hún sé búin að klaga forsíðuna til umboðsmanns barna og þar kemur líka fram að útskýringar hennar á myndinni séu of dónalegar til að skrifa.

Nú er ég rasandi!

2007-03-08T02:06:00.000-08:00

Nú er þessi klámumræða gengin gjörsamlega út í öfgar. Ég rakst á þessi skrif á bloggsíðu einni. Þetta getur gert mig brjálaða. Þýðir þetta að ég sem geng meira en margir um á háhæluðum skóm sé á einhvern hátt að gefa skilaboð um að ég sé lauslátt klámkvendi, tala nú ekki um hvað ég er oft með opin munninn hehe. En sem sagt ef ég opna munninn og er á háum hælum þá er ég að reyna að vera hóra og sé að biðja um marga..... (þori ekki einu sinni að skrifa það sem hún skrifar)? Eða er ég kannski of gömul? Er þetta bara ef maður er svona ungur? Ojojoj þetta er sikk hugsunarháttur hjá þessari manneskju. Greyið stelpan ef hún kemst að því hvernig þessi kona (sem er háskólakennari n.b.) talar um hana. Er ekki umræðan komin útí öfgar þegar fólk er farið að rýna í alla hluti og reyna að sjá klám útúr þeim?

vítamín í kroppinn!!

2007-03-07T05:11:00.000-08:00

Ég tók fyrir nokkrum árum öll vítamínin sem við áttum og fleygði þeim í ruslið. Ástæðan var að ég heyrði í fréttunum í Danmörku að þau gerðu ekkert gagn og gætu oft frekar verið hættuleg. Nú sé ég að ég er komin með fullan skáp aftur. Hvað er þetta með mig og vítamín? Ég held alltaf að það séu einhverjar töfralausnir á hlutunum. Þessi pilla á eftir að laga þetta og þessi þetta...... En ég er nú svo sem ekkert dugleg við að taka þetta fyrir utan járndrykkinn minn góða. Mér hefur heldur aldrei liðið neitt betur af þessu. Hvað haldið þið? Getur maður kafnað úr vítamínneyslu?

kíkja hér

30 ára

2007-02-27T02:36:00.000-08:00

Sigurrós systir er 30 ára í dag (oj hvað ég er þá orðin gömul).

Til hamingju elsku systa!

Komin í vinnuna

2007-02-27T02:27:00.000-08:00

Jæja þá er maður mættur í vinnuna. Ég var mjög ánægð í morgun með að vera komin, síðan fæ ég eitt símtal og pang dagurinn ónýtur. Það er með ólíkindum hvað fólk getur verið dónalegt og leiðinlegt við mann. Það er líka með ólíkindum hvað ég get leyft dónalegu og leiðinlegu fólki að hafa áhrif á mig. Ég er svoldið lost í þessum málum og veit ekki hvað ég á að gera. En allavega veit ég að ég á frekar erfitt með að vinna fyrir fólk sem kemur svona fram við mig og alveg spurning hvort maður eigi að vera að setja sig í þá stöðu. Arrrrggghhh.

Yfirgubbari

2007-02-26T07:06:00.000-08:00

Hörður Sindri er komin með gubbuna. Gubb og æl og niðurgangur og ógeð. Er búin að vera með leysigeisla að reyna að eyða lyktinni og hitinn hérna er við frostmark, ég er búin að viðra svo mikið út. Hann er samt voðalega duglegur að hitta það bara gerðist eitt slys í nótt og allt útum allt og lyktin eftir því. Vona að ég sleppi en finn að ég er ekki eins og ég á að mér að vera. Valur bara ekkert athyglissjúkur, var að drekka vatn á fullu og skyrpa því í fötuna (sem Hörður var að gubba í) og þykjast gubba. Svo fór hann inn á milli og rembdist við að gubba í klósettið. Annars erum við búin að vera að hugga okkur við sudoku í morgun, hann er snillingur í sudoku.

Frískandi

2007-02-22T08:49:00.000-08:00

Ótrúlega ljúft. Ég get opnað glugga núna án þess að mannskapurinn frjósi eða það stormi hingað inn. Ég er ekki frá því að það sé að laumast smá vorfílingur í mig.

þvílíkir gaurar

2007-02-21T14:35:00.000-08:00

ææi ég veit

2007-02-21T14:18:00.000-08:00

Ég veit að ég ætti ekki að vera að svona hörð við mig. Ég var bara pirruð útí sjálfa mig í morgun fyrir að vera leiðinleg. Svo var þetta með myndirnar, langaði að taka myndir áður en þeir færu því annars verður þetta svoldið eins og að taka myndir af manni eftir djamm en ekki fyrir hehe. En annars var hringt í mig úr leikskólanum og ég þurfti að sækja Val, hann var aftur orðin veikur. Þegar ég kem var hann komin í þykka flíspeysu innan undir þennan megaspidermangalla og með snuð. Hahahaha hann var svo ótrúlega fyndin. Hann notar aldrei snuð, en var víst bara rosalega lítill og vildi bara láta halda á sér með snuð. Síðan vildi hann endilega fara í lopapeysuna yfir, mjög meðvitaður um lúkkið hehe.

ömurleg

2007-02-21T03:37:00.000-08:00

Ég er alveg glötuð, ætlaði að taka mynd af strákunum í morgun áður en þær færu í skólan en í staðin rétt náði ég að henda þeim í fötin og út. Pirruð og leiðinleg með samviskubit dauðans yfir að vera pirruð. Ohh ég hata þetta, af hverju get ég ekki vaknað fyrr og verið aðeins með hlutina á hreinu. Ég finn það bara að þegar ég vinn svona eins og þessa dagana til kannski að verða miðnætti þá bara vakna ég ekki hress. Það er líka alltaf eitthvað að vekja mann alla h nóttina. Hörður Sindri vaknaði náttúrulega kl 6 af spenningi, ég náði honum þó niður aftur og við steinsofnuðum. En ég ætla sem sagt að taka myndir af þeim á eftir og set þær þá hingað inn. Hörður Sindri er svarthöfði og Valur spiderman. Þeir voru rosalega fyndnir.

lasarus

2007-02-20T03:42:00.000-08:00

jæja þá er Valur orðin veikur. Ég get ekki mikið kvartað þar sem það er svo langt síðan að hann hefur verið lasin. Ég mældi hann í fyrradag og sá að hann var með hita. Ég mældi hann með rassmæli og sagði honum að hann væri veikur þegar ég var búin. Mamma kom niður stuttu seinna og þá tilkynnti hann henni að hann væri veikur í rassinum. Það er svo langt síðan hann var mældur að hann skyldi ekkert í þessu, tengdi bara saman veikur og rass. En hann er annars alveg hress og situr og horfir á buggilala, sem þýðir bubbi byggir, eitthvað slegið saman þarna stubbunum og bubba.

dásamlegt

2007-02-14T03:29:00.000-08:00

Ég vaknaði í morgun við að yngsta krílið mitt var að knúsa mig svoleiðis og kyssa. Hann er algjör kelirófa og svo vill hann bara kúra og knúsast og hvíslar allt sem hann segir. Annað en bróðir hans sem vaknar og bókstaflega stekkur á fætur. Þetta hefur hann gert síðan hann fæddist. Annars eru þeir bara ótrúlega hressir þessa dagana.

Hörður Sindri er svona smátt og smátt að finna sig í skólaumhverfinu. Honum gengur rosalega vel. Við fórum á foreldrafund um daginn og allt var mjög gott og yfir engu að kvarta nema þá kannski að ef einhver fer að fíflast þá er hann fyrstur að taka þátt. Hann byrjar aldrei sjálfur en er sem sagt fljótur að stökkva til. Kannast reyndar aðeins við það:) En allt námið gengur mjög vel. En hann er að venjast því að labba einn inn í skólan, það er risaskref. Ég keyri hann og síðan labbar hann einn inn og þetta er greinilega frekar erfitt. Ég vil samt ekki gefast upp því hann verður að herðast aðeins, hann er svo hræddur við allt greyið. Hann var reyndar mjög duglegur um daginn þá labbaði hann frá Birgi vini sínum sem býr lengst útá Laufásvegi og það var meira að segja orðið smá dimmt. Hann var með svoldið stórustrákasvip á sér þegar hann kom rjúkandi inn um dyrnar. Hann er yndislegur.

Valur er alveg svakalega fyndin. Kom heim í gær og fór beint í gamla spidermangallan hans HS sem er frekar vinsæll núna. Set myndir inn af þeim bráðum, hann er djók fyndin í þessum galla. Annars er hann rosalega kraftmikill strákur og glaður. Hann hlær mikið en verður líka rosalega reiður og öskrar en það er mjög sjaldan. Svoldið líkur pabba sínum á þann háttin. Hann velur alltaf út í leikskólanum og er yfirleitt úti að bardúsa eitthvað þegar ég kem að sækja hann. Í gær þegar ég kom var ég með sólgleraugu og þegar hann sá mig öskraði hann yfir allan leikvöllinn "vá mamma flott gleraugu, Valur kaupa gleraugu mömmu!" Krúttið mitt.

Skemmtileg umræða

2007-02-13T02:44:00.000-08:00

Ég verð að segja að mér finnst hún Ágústa Eva alveg brilljant. Ég var að lesa á mbl að hún hefði bankað uppá eitt kvöldið hjá nokkrum sem höfðu verið að skrifa illa um hana á bloggsíðunum sínum. Sumir tóku þessu frekar illa. Hvernig er ekki hægt að hlæja að því? En ég var leidd inná blogg hjá Sveini Hirti og þar er mjög málefnaleg og heilbrigð umræða um Silvíu Nótt. Kíkiði á færsluna um Silvíu, ekki þessa um að hún hafi komið í heimsókn heldur aðra sem er á undan. Kíkiði svo á kommentin. Morðhótanir og þröngsýni. Ég gleymi alltaf að það sé til svona fólk. Svo gaddfreðið.

Sveinn Hjörtur

hahahahahahahaha

2007-02-08T03:39:00.000-08:00

Ég stal þessu frá Tonkunni hahahaha þið verðið að tékka á þessu.

hérna

Gummi sweet

2007-02-08T02:44:00.000-08:00

Mér finnst alveg hreint ótrúlegt að maður geti verið svona ástfangin eftir svona mörg ár. Stundum náttúrulega bara siglir maður í gegnum þetta án þess að spá mikið í hvort annað en svo stundum vakna ég og ég er bara yfir mig ástfangin og hamingjusöm. Núna er ég með í maganum ég er svo skotin, bara svona eins og fyrir næstum 14 árum, fyndið! Júhú iiihhhaa! Eins og Valur segir þegar hann er ánægður með eitthvað.

IIIIhhhhssh kalt

2007-02-07T01:30:00.000-08:00

Er einhver til í að hjálpa mér við að koma af stað kraftgallatrendi? Það myndi auðvelda mér lífið mjög þessa dagana. Líka gönguskó eða bara allt sem heldur almennilega hita.

Ætti kannski að prófa að ganga á vatni....

2007-02-01T04:02:00.000-08:00

Það var einhver arkitekt sem sagði einu sinni við pabba að sá arkitekt sem fengi verkefni samþykkt á fyrsta fundi gæti gegnið á vatni. Ég er búin að vera að hanna fyrsta einbýlishúsið mitt og var að fá það samþykkt á fyrsta fundi. Júhúhú ekkert lítið ánægð. Er að spá í að labba framhjá tjörninni á leiðinni heim.